Y Gwasanaeth Pensiwn - Rwy'n cynllunio ymlaen llaw

Beth ddylwn ei wneud nesaf?

Gwelwch os gallwch gael rhagolwg Pensiwn y Wladwriaeth arlein. Bydd hyn yn dweud wrthych faint o Bensiwn y Wladwriaeth sylfaenol a Pensiwn y Wladwriaeth ychwanegol y gallech gael pan rydych yn cyrraedd oedran Pensiwn y Wladwriaeth.

Mae nifer o bethau eraill y gallwch eu gwneud os ydych am ddechrau cynllunio ar gyfer eich ymddeoliad nawr:

Gallwch gael gwybod faint o Bensiwn y Wladwriaeth y gallai fod hawl gennych i’w gael drwy gael rhagolwg

Bydd y rhagolwg hwn yn rhoi syniad i chi o’r hyn y gallwch ddisgwyl ei gael gan y Llywodraeth pan fyddwch yn cyrraedd oedran Pensiwn y Wladwriaeth a bydd yn eich helpu i benderfynu p’un a ydych yn cynilo digon ar gyfer eich anghenion ymddeol ar hyn o bryd.
Os nad ydych yn perthyn i gynllun pensiwn galwedigaethol, gofynnwch i’ch cyflogwr am wybodaeth am y cynllun maent yn ei gynnig.
Os ydych eisoes yn aelod o gynllun pensiwn galwedigaethol, efallai y bydd eich cyflogwr neu ddarparwr eich pensiwn yn anfon datganiad atoch bob blwyddyn sy’n dangos faint o bensiwn y gallwch ddisgwyl ei gael o’r cynllun pan fyddwch yn ymddeol. Os nad ydych wedi cael datganiad, gallwch ofyn i’ch cyflogwr neu ddarparwr eich pensiwn anfon un atoch.
Holwch os gall eich cyflogwr roi rhagolwg pensiwn cyfunol i chi – sef rhagolwg pensiwn sy’n dangos manylion eich Pensiwn y Wladwriaeth a’ch pensiwn galwedigaethol gyda’i gilydd. Bydd hyn yn eich helpu i ddeall beth fydd cyfanswm incwm eich pensiwn unwaith y byddwch wedi ymddeol.

Cael gwybod mwy am ragolygon pensiwn cyfunol

Os ydych yn hunangyflogedig ac nad oes gennych ail bensiwn eisoes, ewch at ymgynghorydd ariannol annibynnol i gael gwybod pa bensiwn personol neu bensiwn cyfranddeiliaid fyddai’n iawn i chi.

I ddod o hyd i Ymgynghorydd Ariannol Annibynnol lleol ewch i wefan IFA Promotion

Os ydych eisoes yn aelod o gynllun pensiwn personol, bydd darparwr eich pensiwn yn anfon datganiad atoch bob blwyddyn sy’n cynnwys rhagolwg pensiwn unigol ar gyfer y cynllun rydych yn perthyn iddo. Bydd hyn yn dweud wrthych faint y gallai fod hawl gennych i’w gael pan fyddwch yn ymddeol.
Os credwch fod gennych un neu fwy o bensiynau cwmni neu bensiynau personol hen ac nad oes gennych fanylion llawn ar eu cyfer, cysylltwch â’r Gwasanaeth Olrhain Pensiynau. Efallai eich bod wedi colli cysylltiad â’ch cynllun pensiwn, o bosibl oherwydd newid mewn swyddi , neu efallai bod y cwmni wedi newid ei enw. Beth bynnag fo’r rheswm, os nad ydych mewn cysylltiad â’r cwmni bellach dylech gysylltu â’r Gwasanaeth Olrhain Pensiynau, a all roi’r wybodaeth sydd ei hangen arnoch i’ch helpu i olrhain eich pensiwn.

Cael gwybod mwy am y Gwasanaeth Olrhain Pensiynau

Gwneud cais am gael olrhain pensiwn