Sut i wneud cais am Gredyd Pensiwn
Dros y ffôn
Gallwch wneud cais am Gredyd Pensiwn trwy ein ffonio ar rhadffon 0800 99 1234, ffôn testun 0800 169 0133 (8.00am i 8.00pm dydd Llun i ddydd Gwener, 9.00am i 1.00pm dydd Sadwrn).
Byddwch angen y wybodaeth canlynol
- Eich rhif Yswiriant Gwladol. Gallwch weld hwn ar eich slipiau cyflog, eich papurau treth neu lythyrau gan yr Adran Gwaith a Phensiynau. Os na allwch ddod o hyd i'ch rhif Yswiriant Gwladol, peidiwch â phoeni, byddwn yn gallu chwilio am eich manylion pan fyddwch yn ein ffonio
- Gwybodaeth am unrhyw arian sy'n dod i mewn i'ch cyfrif
- Gwybodaeth am gostau tai,fel llog ar forgais neu fanylion am unrhyw rent tir
Bydd ymgynghorydd yn llenwi'r ffurflen gyda chi dros y ffôn ac yn ei hanfon atoch i chi gael ei gwirio a'i harwyddo.
Os byddai'n well gennych, gallech ofyn i rywun arall ffonio ar eich rhan.
Gallwch hefyd ffonio Llinell Gais Credyd Pensiwn ar radffôn 0800 99 1234 a gofyn am ffurflen gais wâg ar gyfer Credyd Pensiwn.
Wyneb yn wyneb
Rydym yn cynnig gwasanaeth wyneb yn wyneb i bobl y mae angen help arnynt. Ffoniwch y rhif rhadffôn 0800 99 1234 ac eglurwch eich anawsterau.
Os ydych yn gwneud cais am Gredyd Pensiwn, gellwch nawr wneud cais am Fudd-dal Tai a Budd-dal Treth Cyngor ar yr un pryd. Ffoniwch ni ar rhadffon 0800 99 1234.
I wneud cais am Gredyd Pensiwn ffoniwch 0800 99 1234
Mae llinellau ar agor dydd Llun i ddydd Gwener rhwng 8.00am-8.00pm
