Enghreifftiau
Dyma ychydig o enghreifftiau i ddangos i chi faint o Gredyd Pensiwn y gallai pobl gydag amgylchiadau gwahanol ei gael.
Enghraifft 1 - Amy
Mae Amy yn 62 oed. Mae’n byw yng nghartref ei mab. Yr unig arian a gaiff yw ei Phensiwn y Wladwriaeth sy’n £90.70 yr wythnos.
Bydd Credyd Pensiwn yn rhoi £33.35 yr wythnos yn ychwanegol iddi. O ganlyniad bydd ei chyfanswm incwm wythnosol yn cynyddu i £124.05. Gallai Amy hefyd dderbyn ôl-ddyled os byddai’n gwneud cais dri mis ar ôl dyddiad ei phen-blwydd yn 60 oed. Gallai gael ôl-ddyled o tua £412.
Enghraifft 2 - Balbir a Manju
Mae Balbir a Manju yn 75 oed. Mae eu hincwm wythnosol fel a ganlyn:
| Pensiwn y Wladwriaeth (Balbir) | £90.70 |
| Pensiwn y Wladwriaeth (Manju) | £90.70 |
| Pensiwn personol (Balbir) | £16.00 |
| Cynilion o £8,000 (rydym yn tybio £1 o incwm ar gyfer pob £500 neuran o £500 ar gyfer unrhyw gyniliondros £6,000) | £4.00 |
| Cyfanswm incwm wythnosol | £201.40 |
Bydd Credyd Pensiwn yn rhoi £21.31 yr wythnosol yn ychwanegol iddynt. O ganlyniad bydd eu cyfanswm incwm wythnosol yn cynyddu i £222.71.
Enghraifft 3 - Betty
Mae Betty yn 66. Mae'n sengl ac yn berson ag anabledd difrifol. Mae ei hincwm wythnosol fel a ganlyn:
| Pensiwn y Wladwriaeth | £90.70 |
| Lwfans Gweini (ni chyfrifir hwn fel incwm ar gyfer Credyd Pensiwn) | £67.00 |
| Cynilion o £5,000 (nid ydym yn tybio unrhyw incwm o'r cynilion hyn gan eu bod yn llai na £6,000) | £0 |
| Cyfanswm incwm wythnosol | £157.70 |
Bydd Credyd Pensiwn yn rhoi £83.70 yr wythnos yn ychwanegol iddi. (Mae hyn yn cynnwys swm ychwanegol o £50.35 gan fod gan Betty anabledd difrifol). O ganlyniad, bydd ei chyfanswm incwm wythnosol yn cynyddu i £241.40.
Enghraifft 4 - Kathleen
Mae Kathleen yn 68 oed ac yn wraig weddw. Mae ei hincwm wythnosol fel a ganlyn:
| Pensiwn y Wladwriaeth ei diweddar wr | £97.50 |
| Pensiwn gwaith Kathleen | £20.00 |
| Pensiwn gwaith ei diweddar wr | £49.00 |
| Cynilion o £11,500 (rydym yn tybio £1 o incwm ar gyfer pob £500 neu ran o£500 o gynilion sydd gennych dros £6,000) | £11.00 |
| Cyfanswm incwm wythnosol | £177.50 |
Nid oes gan Kathleen hawl i Gredyd Pensiwn oherwydd fod ei hincwm yn rhy uchel. Gallai barhau i fod â hawl i Fudd-dal Treth Cyngor neu Fudd-dal Tai os yw hi’n denant. Buasai’r Gwasanaeth Pensiwn yn falch o wirio amcangyfrifon Kathleen. Dylai edrych eto os bydd ei hamgylchiadau’n newid ac hefyd bob mis Ebrill (pan fydd y graddau budd-dal yn cynyddu) i edrych os oes ganddi hawl i Gredyd Pensiwn.
I wneud cais am Gredyd Pensiwn ffoniwch 0800 99 1234
Mae llinellau ar agor dydd Llun i ddydd Gwener rhwng 8.00am-8.00pm
