ABC

Pensiynau Rhanddeiliaid

Beth ydyw?

Math o bensiwn cost isel yw pensiwn rhanddeiliaid. Gallwch brynu pensiwn rhanddeiliaid gan gwmni gwasanaethau ariannol masnachol fel banc, cwmni yswiriant neu gymdeithas adeiladu.

Mae'n rhaid i bensiynau rhanddeiliaid fodloni nifer o safonau gofynnol y llywodraeth i sicrhau eu bod yn cynnig gwerth am arian a hyblygrwydd. Mae'r safonau hyn yn cynnwys:

  • ni all taliadau rheoli ym mhob blwyddyn fod yn fwy na’r terfyn costau a osodir gan y gyfraith - ar gyfer pobl sy’n ymuno â chynllun pensiwn rhanddeiliaid ar 6 neu ar ôl Ebrill 2005 y terfyn yw tâl rheoli blynyddol o 1.5% ar gyfer y 10 mlynedd gyntaf, a bydd yn lleihau i 1% o hynny ymlaen os bydd yr aelodau hyn yn aros yn y cynllun.
  • mae’n rhaid i aelodau allu trosglwyddo i mewn ac allan o bensiwn rhanddeiliaid, neu roi’r gorau i dalu am gyfnod, heb wynebu costau ychwanegol.
  • mae’n rhaid i bob cynllun pensiwn rhanddeiliaid dderbyn cyfraniadau o £20 neu fwy, er y gall rhai dderbyn taliadau is.
  • mae’n rhaid i gynlluniau pensiwn rhanddeiliaid redeg er budd eu haelodau, a bydd ganddynt naill ai ymddiriedolwyr, neu byddant yn cael eu rhedeg gan reolwr cynllun.

Noder: Bydd y tâl blynyddol ar gyfer aelodau a bwrcasodd eu cynllun pensiwn y wladwriaeth cyn 6 Ebrill 2005 yn aros yn 1% cyhyd y byddant yn aros yn y cynllun. Fodd bynnag, os bydd aelodau am symud i gynllun pensiwn rhanddeiliaid arall ar neu ar ôl 6 Ebrill 2005, bydd terfyn tâl newydd o 1.5% yn berthnasol am y deng mlynedd gyntaf o aelodaeth o’r cynllun newydd hwnnw.

Ar gyfer unigolion

Gallwch ddarllen neu argraffu copi o’n canllaw i bensiynau rhanddeiliaid, o’r enw Pensiynau rhanddeiliaid - Eich Canllaw (PM8W) o’n canolfan adnoddau ar wefan Y Gwasanaeth Pensiwn.

Gallwch hefyd ffonio ein Llinell Gwybodaeth Pensiynau ar: 0845 7 31 32 33 neu ffôn testun: 0845 604 0210. Codir cyfraddau lleol ar alwadau ac mae'r llinell ar agor 24 awr y dydd. Neu, gallwch ysgrifennu at:

Pension Guide
Freepost RLXH-JUEU-GZCH
Northampton
NN3 6DF

Gallwch hefyd ymweld â gwefan yr Awdurdod Gwasanaethau Ariannol i gael gwybodaeth am amrywiaeth o gynnyrch a materion ariannol personol. Mae hefyd adran ar bensiynau sy'n cynnwys pensiynau rhanddeiliaid.

Gallwch hefyd gysylltu â’r llinell gymorth, a redir gan Y Gwasanaeth Ymgynghori Pensiynau ac a ariennir gan yr Adran Gwaith a Phensiynau a’r Awdurdod Gwasanaethau Ariannol. Mae’r llinell gymorth yn delio ag ymholiadau cwsmeriaid am bensiynau rhanddeiliaid, galwedigaethol a phersonol ac mae ar agor o ddydd Llun i ddydd Gwener, 9.00am i 5.00pm. Neu gallwch ymweld â gwefan Ymgynghori Pensiynau

i'r brig

Ar gyfer cyflogwyr

Mae'n ofynnol i lawer o gyflogwyr yn ôl y gyfraith gynnig mynediad i gynllun pensiwn rhanddeiliaid i'w cyflogeion. Bydd rhai cyflogwyr fodd bynnag wedi'u heithrio. I gael gwybod os effeithir arnoch, gweler ein canllaw, Pensiynau rhanddeiliaid - canllaw i gyflogwyr (English). Gallwch archebu copi o Linell Archebu Cyflogwyr Cyllid y Wlad ar: 08457 646 646. Mae’r llinell archebu ar agor o ddydd Llun i ddydd Gwener, 8am - 8pm, a dydd Sadwrn, 10.00am - 1.00pm.

Efallai y bydd y canlynol hefyd yn ddefnyddiol i chi:

  • Cofrestr cynlluniau pensiwn rhanddeiliaid. Rhestr yw hon a gyhoeddwyd gan y Rheoleiddiwr Pensiynau o gynlluniau pensiynau rhanddeiliaid cymeradwy a chofrestredig, y gall cyflogwyr ddewis cynllun ohono.
  • Deddfwriaeth cynlluniau pensiwn rhanddeiliaid:
    Deddf Diwygio Lles
    Rheoliadau ar bensiynau rhanddeiliaid
  • Os oes gennych unrhyw gwestiynau eraill am bensiynau rhanddeiliaid, gallwch hefyd ffonio Llinell Gymorth Cyllid y Wlad ar: 08457 143 143. Mae’r llinell gymorth ar agor o ddydd Llun i ddydd Gwener o 8.00am i 8.00pm, ac ar ddydd Sadwrn a dydd Sul o 8.00am i 5.00pm. Mae rhif ffôn testun ar gael ar: 0845 602 1380. Gallwch ymweld â'u gwefan yn www.hmrc.gov.uk.employers/index.htm
  • Adran 'Cyflogwyr' gwefan Y Gwasanaeth Pensiwn

Ar gyfer darparwyr ac ymgynghorwyr

Gall cwmnïau gwasanaethau ariannol sy'n dymuno cofrestru fel darparwr cynllun pensiwn rhanddeiliaid wneud hynny drwy ddefnyddio'r ffurflenni cofrestru yn y pecyn cais. Archebwch eich copi o wefan Cyllid y Wlad. Gweler hefyd ein canllaw - Pensiynau rhanddeiliaid - canllaw i gofrestru fel darparwr cynllun pensiwn rhanddeiliaid (English)

Mae gan adran Darparwyr ac Ymgynghorwyr gwefan Y Gwasanaeth Pensiwn gyfoeth o wybodaeth ddefnyddiol ar gyfer ymgynghorwyr gwasanaethau ariannol a darparwyr cynlluniau.

Gall y canlynol hefyd fod yn ddefnyddiol i chi.

Rheolau a deddfwriaethau

Rhifau llinell gymorth

Os oes gennych unrhyw ymholiad sy'n gysylltiedig â:

  • Cofrestru cynllun pensiwn rhanddeiliaid - cysylltwch â’r Rheoleiddiwr Pensiynau ar: 0870 2433 123, o ddydd Llun i ddydd Gwener o 9.00am i 5.00pm
  • Cymeradwyo treth ac eithrio - cysylltwch â Swyddfa Cynlluniau Pensiwn Cyllid y Wlad ar: 0115 97 41 777.
  • Ad-daliadau treth - cysylltwch â'r Swyddfa Cyfryngwyr Ariannol a Cheisiadau ar: 0151 47 26 109.
  • Gofynion cyfreithiol yr Adran Gwaith a Phensiynau - ffoniwch Linell Gymorth Darparwyr Cynllun Pensiwn Rhanddeiliaid Cyllid y Wlad ar: 0845 9 150 150, o ddydd Llun i ddydd Gwener o 8.00am i 5.00pm.
  • Y rheolau ar gyfer rheolwyr cynlluniau pensiwn rhanddeiliaid sy'n awdurdodi, neu farchnata neu hyrwyddo unrhyw gynllun rhanddeiliad – cysylltwch â’r Awdurdod Gwasanaethau Ariannol ar: 020 7676 0082, o ddydd Llun i ddydd Gwener o 9.00am i 5.00pm.
  • Pensiynau rhanddeiliaid (ymholiadau cyffredinol), ffoniwch y llinell gymorth ar: 0845 601 2923, o ddydd Llun i ddydd Gwener, o 9.00am i 5.00pm. Rhedir y llinell gymorth gan Y Gwasanaeth Ymgynghori Pensiynau ac fe’i ariennir gan yr Adran Gwaith a Phensiynau a’r Awdurdod Gwasanaethau Ariannol ac mae’n delio ag ymholiadau cwsmeriaid am bensiynau rhanddeiliaid, galwedigaethol a phersonol.

Cofiwch mai canllaw cyffredinol i fudd-daliadau a chynlluniau yn unig yw'r wefan hon, ac nid yw'n ddatganiad llawn ac awdurdodedig o'r gyfraith.

i'r brig